25年喇，我仲未諗通到底應該揀美沙定明美好。

「如果我是一條輝這句話太吸引……」 25年喇，我仲未諗通到底應該揀美沙定明美好。到《 Macross F》，聽見蘭花唱〈我的男朋友是飛機師〉依然感動。今次呢隻 Game有「編年史模式」，重現原作名場面，《可曾記起愛》當然有得聽，新嘅《射手座☆午後九時 Don't be late》亦有， 7呀、 Plus呀、 Zero呀都有齊。為紀念劇場版《超時空要塞 F虛空歌姬》上映，仲有「超時空娘娘包」特別版，靚靚彩盒包裝，附有收錄特別 60分鐘影像 UMD！冇得讀 UMD嘅 PSP go，簡直係同成個伯明翰小隊過唔去！
耐唔耐執一劑嘅超時空，趁 PSP go推出又嚟執大家一鑊！《 Macross Ultimate Frontier》由元祖《 Macross》到最新《 Macross F》都包含，以歌會知音，明美、雪露呢兩粒「超級巨聲」唔在講，仲有 Fire Bomber全新歌《 Burning Fire》做主題曲，仲唔係對超迷嘅戴斯頓攻擊！

文：阿洛
歌姬陪你打飛機
放大圖片

■明美、蘭花、雪露支援攻擊，勁！

「如果我是一條輝這句話太吸引……」 25年喇，我仲未諗通到底應該揀美沙定明美好。到《 Macross F》，聽見蘭花唱〈我的男朋友是飛機師〉依然感動。今次呢隻 Game有「編年史模式」，重現原作名場面，《可曾記起愛》當然有得聽，新嘅《射手座☆午後九時 Don't be late》亦有， 7呀、 Plus呀、 Zero呀都有齊。為紀念劇場版《超時空要塞 F虛空歌姬》上映，仲有「超時空娘娘包」特別版，靚靚彩盒包裝，附有收錄特別 60分鐘影像 UMD！冇得讀 UMD嘅 PSP go，簡直係同成個伯明翰小隊過唔去！

新系統閘住再反彈
放大圖片

■難易度選擇，王牌機師點能夠認輸。

收錄 40名以上歷代角色、 100種以上機體及多過 120種任務。歷代女角，即明美、雪露、蘭花等歌姬會以支援角色登場，出戰前可以揀，一定條件下更對我方機體帶嚟體力恢復或能力提升等支援效果，而且支援角色仲會隨住遊戲進行成長兼學到更多技能。繼續係飛行射擊玩法，隨時三段變形，不過就新加「反飛彈動作」同「救援系統」，即係及時輸入指令會有特別動作擊落或避開敵方導彈，同埋可以拯救陷入無法戰鬥狀態嘅僚機。

放大圖片

■新舊片段都有收錄，《 Macross F》畫面最靚。

放大圖片

■超時空要塞最出名嘅彈幕導彈場面，可以一次鎖定多部敵機！

放大圖片


放大圖片

■重裝甲可隨時解開，飛得快啲。

放大圖片

■母艦都可以操控，又增加買 Game衝動。

放大圖片

■可以見番一條輝，到底佢有冇死到？



Money能收買情意
放大圖片


可以透過 Ad Hoc 2人連線合作， 4人連線對戰已經係基本嘢，呢類 Fans向遊戲最好玩應該係儲嘢。今次有間蘭花開嘅「娘娘商店」，可以用「娘點數」嚟買角色、機體、模式開放、配樂、影片、桌布、稱號、圖示等內容， Do You Remember Them？

放大圖片

■舊片段，福卡一樣會登場！

放大圖片

■指揮官都有得揀，我都係要番大嬸呀唔該！

放大圖片

■有教學模式，兩位歌姬教你打飛機。

放大圖片

■蘭花商店間中由 Sexy旗袍雪露看檔，照顧不同客人需要。

放大圖片

■原創角色有會心一擊合作技！



Profile
放大圖片


遊戲：《 Macross Ultimate Frontier》
機種： PSP
製作廠商： NAMCO BANDAI Games
類型：動作射擊
人數： 1- 4人